Kryetari i ri i Mitrovicës, Faton Peci, sot ka pritur në zyrë presidenten Osmani. Ai tha se është kënaqësi që sot e ka pasur mysafire atë.
“Diskutuam për të gjitha nevojat dhe shqetësimet e qytetarëve të Mitrovicës”, tha ai.
“Ne jemi me fat që si Mitrovicë, gjatë këtij mandati nga Mitrovica kemi pasur një ëprfaqësim shumë dinjitoz në politikën e jashtme, duke filluar nga bashkëvendësja jonë”, tha Peci.
Ai tha se Osmani është presidentja më e mirë prej që Kosova është shtet i pavarur.
Më pas Osmani e uroi Pecin për detyrën e re duke thënë se është “jashtëzakonisht e rëndësishme dhe sfiduese”
“Por jam besimplotë që do t’ia dilni ju dhe ekipi juaj i jashtëzakonshëm në mënyrë që për të gjithë qytetarët e Mitrovicës të sjellni edhe më shumë perspektivë, projekte, zhvillim dhe shpresë”, tha Osmani.
Osmani tha se “me Fatonin” njihen që prej se janë fëmijë.
“Kemi shku në shkollë bashkë, jemi rritë në Mitropvicë, i njohim për së afërmi problemet me të cilat ballafaqohet ky qytet dhe natyrisht janë të shumta, por kam besimin e plotë që gradualisht do të rregullohen me angazhimin e kryetarit dhe ekipit të tij, por edhe me përkrahjen tonë nga niveli qendror”, tha ajo.
“I uroj shumë suksese kryetarit, jam e bindur se ashtu do të jetë duke e ditur vullnetin me të cilin punon dhe seriozitetin me të cilin e merr secilën punë dhe jam e bindur edhe nga aspekti politik, duke e ditur rëndësinë e Mitrovicës për shtetin tonë, do të bashkëpunojmë sa më shumë të jetë e mundur, në mënyrë që të vazhdojmë ta ruajmë sovranitetin e Republikës së Kosovës, integritetin territorial. Këto toka kanë qenë gjithmonë të shqiptarëve dhe vetë trashëgimia kulturore ilire që shihet kudo në pjesët veriore sado të largëta brenda territorit tonë është dëshmia më e madhe e kësaj”, tha Osmani
