Eksperti i njohur i ekonomisë, Shenoll Muharremi, paralajmëron se ekonomia e Kosovës nuk do të përballojë edhe një mandat të Vetëvendosjes. Sipas tij, nëse nuk ndryshon drejtimi ekonomik, deficiti tregtar në mallra deri në vitin 2030 mund të arrijë në 10 miliardë euro, një skenar që ai e konsideron konservativ dhe aspak të ekzagjeruar.
Muharremi thekson se qeveria e LVV-së ka nisur mandatin e saj me një deficit tregtar prej 2.82 miliardë euro, ndërsa në fund të mandatit ai është rritur në rreth 6 miliardë euro, gati një herë e gjysmë të buxhetit të shtetit të planifikuar. Nëse vazhdon i njëjti model i menaxhimit ekonomik, deficiti mund të arrijë në 9.48 miliardë euro deri në vitin 2030, duke çuar humbjet tregtare totale në rreth 65 miliardë euro.
Market Florenti
Sipas Muharremit, kjo situatë do të ndikojë drejtpërdrejt në rritjen e çmimeve dhe inflacionit, pasi politikat ekonomike të qeverisë, të cilat stimulohen nga lëmoshat sociale, po përfundojnë në konsum dhe në import jashtë vendit. Ai paralajmëron gjithashtu se presioni mbi bizneset vendore dhe prodhuesit po rritet për shkak të kostove të larta të energjisë, taksave dhe keqmenaxhimit të përgjithshëm ekonomik.
Eksperti thekson se, me këtë lloj qeverisjeje, Kosova nuk është në gjendje të përballojë një mandat shtesë, duke rrezikuar seriozisht stabilitetin ekonomik dhe menaxhimin e parasë në vend.
