Presidentja e Kosovës, Vjosa Osmani këtë të hënë do të takohet në Uashington zëvendëssekretarin amerikan të Shtetit, Christopher Landau, ka bërë të ditur Departamenti amerikan i Shtetit përmes një njoftimi zyrtar.
Këtë për Klan Kosova e konfirmoi edhe zëdhënësi për media i presidentes, Bekim Kupina.
Ndërkaq, në njoftimin zyrtar të DASh-it, nuk janë dhënë më shumë hollësi se cilat do të jenë temat e diskutimit në takimin që zhvillohet pasdite, me orën lokale të Kosovës.
Osmani ishte takuar me Landaun edhe në korrik të këtij viti, ku dy palët kishin diskutuar për fushat potenciale për bashkëpunimin ekonomik mes dy vendeve në të ardhmen.
