Kryetari i Prishtinës, Përparim Rama, i ka dhuruar këngëtares Dafina Zeqiri çmimin “Hyjnesha në Fron” sot në një pritje në komunën e Prishtinës.
Ky çmim iu dhurua për kontributin e saj në muzikë dhe kulturë.
Në këtë takim, Rama e këngëtarja Zeqiri folën pak edhe për jetën personale të saj dhe që këtë vit u bë nënë për herë të parë.
“Vajzë a djalë?”, e pyeti Rama atë.
“Djalë”, ia ktheu këngëtarja.
“A di çka thojnë? Po të dojka burri”, i tha Rama.
Kryetari e pyeti edhe për gjendjen e saj pas gjashtë muajve pasi lindi djalin e saj.
“Po e ndiej veten si me m’pasë përtëri djali. Si me mu kthye karriera 18 vite prapa. Si me ia nis prej fillimit. Thojnë që të përtërinë krejt kështu, shpresoj që edhe kjo ka ndodhë”.
“Po shihet”, ia kthen Rama, i cili e uroi për lindjen e djalit.
Ata më pas mbajtën edhe një konferencë për media para koncertit të saj sot dhe nesër në Pallatin e Rinisë në Prishtinë.
