Drejtori i të ashtuquajturës ‘Zyrë për Kosovë e Metohi’ pranë qeverisë së Serbisë, i pati mjaft kritika të ashpra për Ambsadorin e Gjermanisë në Kosovë, Jorn Rohde, pas komunikatës së tij për takimin me Presidenten e Kosovës, Vjosa Osmani-Sadriu.
Petkovic i ka reaguar me konton e tij në Twitter ambasadorit Rohde në postimin e tij njoftues të takimit të djeshëm me presidenten Osmani. Kryenegociatori serb kontestoi të gjitha që i kishte shkruar diplomati gjerman.
“Përfaqësuesi gjerman në Prishtinë nuk po e tregon të vërtetën! Si ka mundësi që shkelja e marrëveshjes dhe veprimet e dhunshme e Albin Kurtit qenkan legjitime? Si është legjitim anulimi nga Prishtina i statusit neutral të targave KS? Si ka mundësi që përfaqësuesi gjerman në Prishtinë heshtë për këtë? Si qenka legjitime të konfiskohen dokumentet personale e serbëve në K&M? Ku shkruan kjo? Çka ndodhi me themelimin e Asociacionin e Komunave Serbe të cilën serbët po e presin për gati 10 vite, që është e vetmja gjë në përputhje me Marrëveshjen e Brukselit? Pse Gjermania nuk ka bërë asgjë rreth Asociacionin e Komunave Serb? Para se të bëni interpretime të njëanshme, i lexoni me kujdes marrëveshjet paraprake!”.
Petkovic ishte zemëruar fort me ambasadorin gjerman pasi ai kishte shkruar në konton e tij në Twitter të mërkurën pas takimit me presidenten Osmani pasi diplomati gjerman e kishte vlerësuar vendimin e qeverisë në përputhje me marrëveshjen e Brukselit.
”Kënaqësi ta takoja presidenten Vjosa Osmani sot për të diskutuar zhvillimet e fundit përfshi vendimin për të shtyrë zbatimin e vendimit për target e regjistrimit dhe dokumentet e hyrje-daljes deri më 1 shtator në koordinim me SHBA dhe BE. Unë e theksova se vendimi është legjitim dhe në përputhshmëri të plotë me marrëveshjen e Brukselit”.
Zbatimi i vendimeve të qeverisë ishte shtyrë pas trazirave në Veri të Kosovës që u organizuan dhe bllokuan rrugët me barrikada në disa lokacione të dielën e javës së kaluar. Është raportuar poashtu se ka pasur të shtëna me armë zjarri ndaj policisë së Kosovës.
