Bekim Haxhiu nga Partia Demokratike e Kosovës e ka quajtur KQZ-në instrument të manipulimit të procesit zgjedhor, duke theksuar se Prokuroria duhet të nisë hetimet për të gjithë vendimet dhe veprimet që kanë cenuar integritetin e procesit zgjedhor, duke filluar nga kreu i KQZ-së, trasnmeton Gazeta Online Veriu.info.
Haxhiu ka kërkuar nga KQZ rikthim të rinumërimit sipas rendit të komunave, transparencë të plotë dhe përgjegjësi institucionale.
“Çdo votë e cenuar është një goditje ndaj demokracisë”, ka shkruar Haxhiu.
Reagimi i plotë:
KQZ nga garantuese e votës në instrument të manipulimit të procesit zgjedhor
Fillimisht KQZ morri vendime ne kundershtim me Ligjin për Zgjedhjet, tani KQZ ka ndryshuar metodologjinë e rinumërimit në mes të procesit, duke braktisur rendin sipas komunave dhe vendvotimeve dhe duke e zëvendësuar me një proces kaotik, të fragmentuar.
Ky ndryshim arbitrar ka prodhuar devijim të qartë të trendit të rezultateve dhe ka dëmtuar rëndë besimin kandidatëve dhe qytetarëve. Kur rinumërimi ndërpritet pa kriter, vazhdohet me komuna të tjera dhe humbet gjurmueshmëria e vendvotimeve, procesi bëhet i pabesueshëm.
KQZ, në vend që të mbrojë integritetin e votës, po ndryshon rregullat gjatë rinumërimit, duke u shndërruar nga arbitër i paanshëm në palë aktive në deformimin e procesit zgjedhor.
Kërkojë rikthim të menjëhershëm të rinumërimit sipas rendit të komunave, transparencë të plotë dhe përgjegjësi institucionale.
Çdo votë e cenuar është një goditje ndaj demokracisë.
Prokuroria duhet të nisë menjëherë hetimet për të gjitha vendimet dhe veprimet që kanë cenuar integritetin e procesit zgjedhor, duke filluar nga kreu i KQZ-së e deri te çdo individ që ka pasur guximin të shkelë ligjin, të deformojë procesin zgjedhor dhe të manipulojë vullnetin e qytetarëve.
