Deputeti i zgjedhur i Lëvizjes Vetëvendosje, Avni Dehari, do të rikthehet në karrigen e kryetarit të Kuvendit të Republikës së Kosovës për të drejtuar seancën konstituive të thirrur për të mërkurën në orën 12:00.
Dehari si deputeti më i vjetër do ta drejtojë këtë seancë në të cilën pritet të zgjidhen organet e Kuvendit të Kosovës, duke filluar nga kryetari i ri dhe duke u përmbyllur me nënkryetarët.
Ish-kreu i Kuvendit të Kosovës, Glauk Konjufca, ka lënë të kuptohet se s’do të ketë ndonjë bllokadë për nënkryetarët duke thënë se kur ka dhënë vulë Gjykata Kushtetuese, atëherë LVV është tërhequr.
Madje Konjufca ka thënë se nesër do të bëhet edhe Qeveria.
“Nesër do të bëhet Kuvendi, dhe shumë shpresoj që do të bëhet Qeveria. Ne kurrë nuk i kemi refuzu aktgjykimet e Kushtetueses. Kanë qenë beteja politike, por kur i ka dhënë vulë Kushtetuesja ne jemi tërhequr”, ka thënë ai.
Para kësaj deklarate të Konjufcës, LVV kishte reaguar ashpër duke sulmuar Kushtetusen rreth aktgjykimit të fundit për çështjen e zgjedhjes së nënkryetarit nga komuniteti serb dhe konstatimin se zgjedhja e Rashiqit ka qenë antikushtetuese. LVV nuk a ka përkrahur edhe publikimin e rezultatit të Listës Serbe në KQZ, gjë që ka ndryshuar pas vendimit të PZAP-së./Express/
