Gazetari Visar Duriqi është deklaruar rreth çështjes së presidentit, në ditët kur pritet që partia në pushtet ta propozojë një emër.
Duriqi në emisionin “Kosova Live” në T7 ka deklaruar se Vjosa Osmani për pesë vite ka qenë “notere personale” e Albin Kurtit, teksa ka shtuar se do të ishte mirë që të ishte një kandidat më koncensual për të parin e vendit, shkruan Insajderi.
“Emrat që janë përfolur të familjes Jashari janë ata që duken më koncensual, pra që janë më të pranueshëm nga partitë e tjera. Kështu që e pritshme është që kësaj radhe gjasat më të mëdha t’i ketë dikush përkundër Vjosa Osmanit. Vjosa Osmani mundet me qenë presidentja më e mirë deri tash, sepse i ka shërbyer për pesë vite Albin Kurtit sikur të ishte notere personale e tij, por nuk ka qenë presidentja e cila i ka shërbyer as qytetarëve as interesave të tyre. Për pesë vite ajo ka qenë notere personale e Albin Kurtit. E mira për Kosovën do të ishte që të mos ishte Vjosa Osmani por dikush tjetër. Ta kemi një president që, edhe pse zgjidhet me votat e Lëvizjes Vetëvendosje me shumicë, të ishte president që përfaqëson interesat e të tjerëve e jo vetëm të Albin Kurtit”, ka deklaruar Duriqi.
