Rap-artisti shqiptar, Cllevio Masoni, ka surprizuar banorin e këtij edicioni të Big Brother VIP Albania, DJ Gimbo, duke i dërguar një mesazh mbështetjeje gjatë segmentit të njohur “Big Love”, ku banorët marrin urime dhe mesazhe nga fansat dhe përkrahësit e tyre.
Në mesazhin e tij, Cllevio shprehu admirimin për DJ Gimbon dhe e inkurajoi atë të qëndrojë i fortë gjatë garës në shtëpinë më të famshme të televizionit shqiptar.
Në mes rreshtave ai duket se ka hedhur një kunjë për banorin tjetër, Mateo Borrin.
Duket se Cllevio është një fans i Gimbos dhe nuk ka hezituar ta tregojë këtë hapur, duke i dhënë energji dhe mbështetje për sfidat që e presin brenda shtëpisë.
Mesazhet e tilla janë gjithmonë të veçanta për banorët, pasi u japin një motivim shtesë dhe i bëjnë të ndihen më të lidhur me publikun jashtë shtëpisë.
Gimbo gjithashtu iu gëzua këtij mesazhi dhe u ngrit në këmbë për ta falënderuar.
Mbetet për t’u parë se si do të jetë në vazhdim loja e tij në shtëpinë e famshme.
