Bashkimi Evropian ka bërë thirrje të premten që Serbia të marrë vendime të qarta në rrugën e saj drejt anëtarësimit në BE, pas lajmit për blerjen e raketave balistike supersonike nga Kina.
Një zëdhënës i Komisionit Evropian vuri në dukje se kjo përfshin “shmangien e varësive strategjike që nuk përputhen me aspiratat evropiane”. Ai shtoi se një perspektivë e besueshme evropiane kërkon përkushtim ndaj stabilitetit rajonal dhe koordinim mbi sfidat e sigurisë që përballon kontinenti.
Të enjten, presidenti serb Aleksandar Vuçiç pranoi blerjen e raketave CM-400 nga Kina, një lëvizje që ka ngjallur shqetësim mes vendeve fqinje. Me këtë blerje, Serbia u bë vendi i parë në Evropë, pas Pakistanit , që zotëron këto raketa me fuqi të lartë shkatërruese, sipas të dhënave të regjistrave ndërkombëtarë të armëve.
Edhe pse Serbia rrethohet nga vende anëtare të NATO-s, aleanca nuk ka komentuar publikisht mbi këtë çështje. Ndërkohë, kryeministri kroat Andrej Plenkoviç deklaroi se do të informojë aleatët e tjerë të NATO-s për këtë zhvillim, duke e cilësuar atë si një “shtesë të re në arsenalin e ushtrisë serbe”.
Në anën tjetër, ministri i Mbrojtjes i Kosovës, Ejup Maqedonci, tha se pretendimet e Serbisë për blerjet e armëve si masë mbrojtëse janë të pabaza. Sipas tij, përforcimi i armatimit nga Kina dhe Rusia reflekton më shumë tendenca hegjemoniste sesa një reagim ndaj ndonjë kërcënimi të afërt.
“Blerjet nuk lidhen me ndonjë kërcënim aktual ndaj Serbisë, pasi asnjë shtet fqinj nuk ka shfaqur synime agresive,”
