Gjatë vitit 2025 në Kosovë kanë vdekur 32 punëtorë në vendin e punëtorë. Kjo është një statistikë e frikshme, e cila pohohet nga kryetari i Sindikatës së Pavarur të Sektorit Privat të Kosovës (SPSPK), Jusuf Azemi. Por bizneset në Kosovë, e veçanërisht sektori i ndërtimit, po vazhdojnë të neglizhojnë zbatimin e Ligjit për Siguri dhe Shëndet në Punë.
Në kuadër të hulumtimit në masat ndëshkimore të shqiptuara nga Inspektorati i Punës në sektorin e ndërtimit, Veriu.info ka siguruar një vendim të këtij institucioni me të cilin është gjobitur me 1 mijë 500 euro kompania ndërtimore “Lin Projekt” Sh.P.K. në Mitrovicë.
Sipas vendimit që mbanë datën 27.03.2025, “Lin Projekt” me pronarë Jusuf dhe Ferki Haxhimehmeti kishte bërë tri shkelje, ku për secilën është gjobitur me nga 500 euro, shumë qesharake kjo për rëndësinë e shkeljeve të bëra.
Në dokumentacion thuhet se me rastin e inspektimit për shkak të shkeljeve ligjore kompanisë “Lin Projekt” i ishin ndaluar përkohësisht punimet në vendpunishte.
Në faqen dy të vendimit thuhet se punëtorët ne vendpunishten e “Lin Projekt” janë zënë duke kryer punime në katin e 8-të në kundërshtim me masat e sigurisë, për shkak se objekti nuk ishte përcjellë me skele mbrojtëse, ndërsa në pjesën tjetër ku ishin të vendosura skelet nuk kanë qenë të fiksuara mirë.
Veriu.info ka tentuar të marrë një qendrim nga “Lin Projekt” për këtë vendim, por deri në momentin e publikimit të artikullit nuk kanë kthyer përgjigje në pyetjet e dërguara.
Foto kryesore e lajmit: Ilustrim
