Një rast serioz që lidhet me falsifikimin e rezultateve të votimit është duke u hetuar në Pejë, ku gjithsej 14 persona janë intervistuar si të dyshuar lidhur me zgjedhjet e mbajtura më 28 dhjetor 2025.
Ngjarja lidhet me një qendër votimi në Gjimnazin “Bedri Pejani” në rrugën “Gjergj Fishta”, ku dyshohet se ka pasur ndërhyrje në procesin zgjedhor.
Me autorizim të Prokurorisë Themelore në Pejë, dje janë intervistuar në prani të avokatëve mbrojtës dy grupe të ndara të personave të dyshuar.
Në grupin e parë janë përfshirë: Granit Morina, Arta Broqi, Dionis Berisha, Liridona Gjevukaj, Ardit Podrimqaku, Alban Mushkolaj, Erza Besim Islamaj.
Ndërsa në grupin e dytë: Valon Muqaj, Andoresa Zekaj, Jetmir Aliu, Hyse Pelaj, Vesa Kastrati, Valmir Dervishaj, Jetlinda Krasniqi.
Të gjithë të dyshuarit janë intervistuar për veprën penale “Falsifikim i rezultateve të votimit”.
Pas intervistimit, të gjithë janë liruar në procedurë të rregullt, ndërsa ndaj tyre është proceduar kallëzim penal në Prokurorinë Themelore në Pejë.
Hetimet janë në vazhdim dhe pritet të zbardhen detaje të reja lidhur me këtë rast që prek integritetin e procesit zgjedhor.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
