Një person është qëlluar me armë zjarri duke mbetur i vdekur mbrëmjen e së mërkurës në fshatin Pakashticë të Podujevës.
Rasti ka ndodhur sot në orë 16:00, shkruan Insajderin.
Lajmin për Insajderin e ka konfirmuar nga Policia e Kosovës.
Sipas Policisë, në vendngjarje janë sekuestruar dy armë e gjuetisë.
Lidhur me këtë rast është arrestuar një person 34 vjeçar.
“Sot rreth orës 16:00, kemi pranuar informatën për një rast të vrasjes që ka ndodhur në fshatin Pakashticë të Podujevës. Lidhur me këtë rast në vendngjarje, policia ka arrestuar një person të dyshuar: F.B mashkull 34 vjeç, Në vendngjarje janë sekuestruar , dy armë e gjuetisë. Viktimë në këtë rast është M.K (mashkull), 30 vjeç, vdekjen e të cilit e ka konstatuar ekipi mjekësor në vendin e ngjarjes. Aktualisht hetuesit policor, janë duke punuar në koordinim me prokurorin për të ndriçuar dhe sqaruar të gjitha rrethanat që kanë të bëjnë me rastin”, thotë policia për Insajderin.
