Në vijim do t’ua rikujtojmë disa nga qendrimet e Albin Kurtit gjatë kohës sa ishte opozitar. Por, siç duket, pushteti për të është aq i ëmbël sa e bëri që t’i hajë fjalët e veta një nga një dhe të shndërrohet në një person që nuk ka shumë lidhje me Albinin e atëhershëm.
Ju kujtohet koha kur Kurti dhe vartësit e tij nuk e respektuan himnin e Kosovës? Madje, as nuk lëviznin nga vendi kur intonohej. Eskalimi ishte deri në atë nivel sa edhe flamuri konsiderohej vetëm si “lara-lara”.
Por të marten e kësaj jave dhe jo vetëm, ai bënte tifo për futbollistët e kombëtares që luanin për këtë flamur, flamur që dikur për Kurtin nuk përfaqësonte simbolin e shtetit.
“Ata kanë xhipa, ne kemi trotuare”, thoshte Kurti si opozitar.
Sot, çdo udhëtim i tij bëhet me xhipa të shtrenjta, dhe çdo hap ruhet nga mbrojtja e afërt.
“Familjarët janë për dasma, jo për institucione”, thoshte Kurti para se të vinte në pushtet.
Por sot, shumë familjarë të anëtarëve të Vetëvendosjes punojnë në punë të shtetit.
Për shembull: axha i Glauk Konjufcës, Rabiti, u punësua në Ministrinë e Mbrojtjes.
Ish-zëvendësministrit Besnik Bislimit iu emëru nipi si këshilltar në Këshillin Shtetëror të Cilësisë.
Ndërkaq, daja Besnik, duke u munduar të distancohet nga punësimi i nipit Gzim, tha: “ndoshta s’e kam parë atë që 50 vjet”. Suljota, motra e ish-ministrit të Infrastrukturës, Liburn Aliut, u punësua në Këshillin Drejtues të Odës së Farmacistëve të Kosovës, që është në kuadër të Ministrisë së Shëndetësisë. Samiu, vëllai i ish-deputetit Fitim Uka, u bë këshilltar i ministrit Arben Vitia.
Mimosa Kusari-Lila, njëra ndër bashkëpunëtoret e ngushta të Kurtit dhe Vetëvendosjes, tashmë ka pozita të rëndësishme, ndonëse dikur cilësohej populiste dhe patetike.
Disa nga deputetët e Vetëvendosjes që ishin pjesë e Kuvendit, deklaruan se posedojnë pasuri në vlerë 5-6 shifrore. Kurti nuk u bëri përshtypje këto pasuri, ndonëse dikur thoshte:
“Përveçse është shumë më e rëndësishme se çfarë deputetësh janë ata se sa prej nga vijnë, thelbësore është se nga çfarë shtresash shoqërore vijnë deputetët-p.sh. të varfrit s’janë fare të përfaqësuar, kurse klasa e mesme është pak e përfaqësuar në Kuvendin
Isa Mustafa ishte “super-kriminel” sipas Kurtit pasi kishte shkelur Kushtetutën.
Por më pas u bë “profesor i nderuar” në kuadër të bashkëpunimit qeveritar, nga 3 shkurt deri më 25 mars 2020.
Gjatë fushatës për zgjedhjet e 6 tetorit 2019, Kurti premtoi ulje të çmimit të rrymës, duke e konsideruar të lartë. Por që atëherë, çmimi i energjisë elektrike u rrit disa herë.
