Deputeti i VV-së, Enver Dugolli, ka deklaruar se partia e tij e ka seriozisht përpjekjen për zgjedhjen e presidentit.
Në një prononcim për RTV21, ai ka thënë se ftesë zyrtare është edhe ftesa gojore.
Megjithatë, ai ka bërë me dije se Kurti edhe mund t`i shkruaj letër kryetarit të PDK-së, Bedri Hamza.
“Deklarimi i zotit Kurti se do t’i konsultojë partitë opozitare për zgjedhjen e presidentit është zyrtar, por edhe do të formalizohet, pse jo, edhe me ftesa zyrtare. Por ftesat zyrtare janë edhe gojore, nuk janë vetëm ato me shkrim. Ne jemi të interesuar që seriozisht të komunikojmë dhe ta zgjidhim këtë çështje. Pritet që të takohen Kurti dhe Hamza, prandaj uroj që, me një komunikim përmbajtjesor të tejkalohet edhe kjo çështje”, ka thënë Dugolli.
