Kryeministri Albin Kurti në eventin ODI Global në Londër të Mbretarisë së bashkuar është pyetur për Kosovën se si po përballet me krizën globale të naftës.
“Me kabinetin tim të mirëarsimuar e të klasës së mesme, njerëz që s’duan të pasurohen nga politika, që kuptojnë se politika është shërbim dhe përpjkeje, ne ia dolëm ta kthejmë antikorrupsionin në rritje, lirinë në zhvillim, dhe virtytin në besim. Prandaj, nëse reflekton virtyt nga qeveria, njerëzit të besojnë. Dhe prandaj gjatë mandatit tonë mbështetjen e kemi të lartë. Ne ia dolëm duke luftuar ashpër krizat e shumta. Sërish, sikur kjo të mos mjaftonte, kishim kriza të sigurisë. Sepse fqinji ynë Serbia që nuk na njeh, organizoi disa inkurzione brenda territorit tonë”, deklaroi Kurti.
“Në njërën anë kemi çmimet tavan për produke bazë që është ligji i ri që do ta çojmë në parlament që të kujdesemi për konsumatorin, dhe në anën tjetër duhet të kufizojmë fitimin. Sepse duke pasur këtë takt brenda shoqërisë, ju e mbani kohezionin social. Pra, ligji e sundimi ligjit janë të patejkalueshme për të mbajtur kohezionin social, por nuk është boll. Drejtësia në gjykata, nuk është boll. Duhet drejtësi sociale po ashtu. Gjë që në fakt të parandalon të shkosh në gjykatë. Pra në këtë aspekt ne jemi pozitiv si shembull. Nuk ka garancion që kjo do të zgjasë nëse ne nuk marrim mësimet”, tha më tej ai.
