Kryeministri Albin Kurti ka postuar disa foto në llogarinë e tij në Facebook. Krahas tyre, ai ka shkruar se në ‘Global Progressive Mobilisation’ në Barcelonë, pjesë e darkës ishin figura të rëndësishme të politikës progresive ndërkombëtare.
Kurti po ashtu ka thënë se diskutimet janë përqendruar në forcimin e bashkëpunimit ndërkombëtar, përballjen me sfidat globale dhe ndërtimin e alternativave progresive që i përgjigjen nevojave reale të qytetarëve.
‘’Ky mobilizim i përbashkët dëshmon se progresistët janë më të bashkuar se kurrë në historinë e re në përpjekjet për drejtësi sociale, barazi dhe zhvillim të qëndrueshëm’’, ka shkruar Kurti.
Por ky aktivitet i Kurtit duket se nuk i ka bërë përshtypje përkrahësve të ish-aleates së tij, Vjosa Osmanit.
Njëri prej tyre i ka komentuar kryeministrit: “Pse korridoreve, a s’pate ndonjë takim bilateral a?”.
Fakti që Kurti, shumicën e fotove që i ka postuar, i ka shkrepur në qoshet e vendit ku po mbahej ‘Global Progressive Mobilisation’, është vënë re edhe nga komentues të tjerë.
