Një rast i vjedhjes së rëndë është zbardhur në fshatin Prugovc të Prishtinës, ku një person ka hyrë me forcë në një shtëpi dhe ka marrë sende të ndryshme, për t’i shitur më pas, mëson Sinjali.
Rasti është raportuar më 23 prill 2026 nga ankuesi A. K, i cili ka deklaruar se të dyshuarit kanë dëmtuar derën hyrëse dhe kanë hyrë brenda në shtëpi.
Sipas të dhënave, nga shtëpia janë marrë hekura, një motor i vjetër, një shporet dhe kabllo elektrike, me një vlerë të përgjithshme rreth 700 euro.
Pas veprimeve hetimore, njësia e hetimeve në Stacionin Policor “Veriu” ka arritur të identifikojë të dyshuarin Ramadan Konjuhi (24-vjeçar), i cili ka pranuar se ka kryer vjedhjen dhe ka shitur një pjesë të sendeve të marra.
Gjatë hetimeve policore është arritur të gjendet dhe sekuestrohet shporeti, i cili i është kthyer pronarit.
Me vendim të Prokurorit të Shtetit, i dyshuari është ndaluar për 48 orë, ndërsa rasti po hetohet si “Vjedhje e rëndë”.
Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.
