Kryeministri i Kosovës, Albin Kurti, ka konsumuar afatin kushtetues teksa ka sulmuar opozitën nga foltorja e Kuvendit të Kosovës.
“Do të ishin qesharakë po të mos ishin të gjorë, do të ishte një komedi e bukur, sikurse mos të ishte gjithë ky mjerim politik. Edhe mjerimi politik në fund nuk është ndonjë e zezë e pakapërcyeshme”, deklaroi Kurti.
“Mbushen këto ulëse kur duhet të pengohet me votë aktive dhe kur duhet të pengohet qytetari, zbrazen këto ulëse. Opozita po thotë ose populli le t’na hjekë krejt prej Kuvendi ose duhet me na dashtë me zor”, tha më tej ai.
“Ata nuk duan përgjegjësi, nuk duan pushtet, por dëshirojnë që këtë të mos e kemi as ne. Për këtë nuk vendosin ata, vendos populli i Kosovës. Mbështetja për neve vetëm sa do të rritet. Por, demokracia do edhe institucione, nuk do vetëm mbështetje për politikanë. Këtu është sjellja jo-shtetërore e opozitës aktuale. Ata nuk mund ta zhbëjnë vullnetin e popullit, por ata nuk e respektojnë atë. Në vitin e kaluar ishte pengesa për t’u zgjedhur kryetara e Kuvendit dhe më pas qeveria, e meqenëse pas zgjedhjeve të 28 dhjetorit nuk e ndaluan, tash janë kapur tek çështja e zgjedhjes së presidentit”, shtoi tutje Kurti.
