Sinjali mëson ekskluzivisht identitetin e tre personave që mbetën të plagosur në incidentin me armë zjarri që ndodhi në Podujevë.
Sipas burimeve të Sinjalit, të plagosurit janë:
Fidaim Zejullahu (1990), me shtetesi gjermane;
Agim Xhemaji
Argjend Islami, rreth 25 vjeç, i cili, sipas informacioneve fillestare, ishte kalimtar i rastit në momentin kur u hap zjarri.
Burimet tona bëjnë të ditur se deri në këtë fazë të hetimeve, njësitë policore kanë identifikuar dhe sekuestruar 23 prova materiale në vendin e ngjarjes, përfshirë armë, gëzhoja dhe dëshmi të tjera që pritet të ndihmojnë në zbardhjen e plotë të rastit.
Tre autoambulanca kanë transportuar të plagosurit nën përcjelljen e Policisë, ndërsa të paktën njëri prej tyre është dërguar për trajtim në Qendrën Klinike Universitare të Kosovës (QKUK).
Policia dhe Prokuroria po vazhdojnë hetimet intensive për të sqaruar rrethanat e incidentit dhe për të identifikuar të gjithë personat e përfshirë.
Sinjali do t’ju mbajë të informuar për çdo zhvillim të ri lidhur me këtë rast.
