Në Gjykatën Themelore në Prishtinë po mbahet seanca për caktimin e masës së sigurisë ndaj disa të dyshuarëve për kontrabandë me naftë, të cilët u arrestuan gjatë aksionit të Prokurorisë Speciale të Kosovës më 1 korrik.
Veriu.info ka siguruar kërkesën për caktimin e masës për paraburgim të bërë nga Prokuroria Speciale në Gjykatën Themelore në Prishtinë, ku zbardhet skema e këtij grupi të strukturuar kriminal, që dyshohet për kontrabandë, shmangie tatimore e pastrim parash.
Në kërkesën për caktimin e masës së paraburgimit, spikat emri i Faruk Mazrek, që dyshohet se ishte ‘koka’ e grupit, duke vepruar përmes kompanisë së tij, “Po Petrol Fariz” në Mamushë.
Sipas dosjes së prokurorisë, Faruk Mazrek dhe Fariz Mazrek (babë e bir), duke e ditur se pasuria e tyre buron nga aktivitetet kriminale të trafikimit me narkotik, me qëllim të fshehjes së këtyre veprimeve dhe burimit të vërtetë të pasurisë, parat i kanë futur në sistemin bankar përmes biznesit të tyre “PO PETROLL FARIZ”, në atë mënyrë që nga banka “Credins” kanë marrë 4 kredi në shumë prej 930 mijë euro dhe nga atëherë kanë filluar të deklarojnë qarkullim të madh financiar. Me këtë, dyshohet se kanë kryer veprën penale shpërlarja e parave.
Faruk e Fariz Mazrek dyshohet që cisternat e naftës i kanë transportuar nga Shqipëria për në Kosovë përmes Naser Morinës, ku në fakt cisternat e tyre në Shqipëri ngarkoheshin në gjysmë të sasisë së naftës dhe gjysma tjetër ujë, duke kryer kështu veprime.
Për këto dhe veprime të tjera të dyshuara, Prokuroria Speciale ka kërkuar masën e paraburgimit për Faruk Mazrek, Fariz Mazrek dhe Naser Morina.
Babë e birë në pranga në aksionin kundër naftarëve të dyshuar si grup i strukturuar kriminal (Emrat)
(Vijon pas pak …)
