Halil Çadraku, ish-udhëheqës i G2 në Zonën Operative të Pashtrikut, i ftuar në Frontal në T7, ka thënë se kryeministri në detyrë, Albin Kurti, e ka pasur ‘’obligim’’ që t’i vizitojë ish-krerët e UÇK’së në Hagë.
Çadraku, ka thënë edhe se, jo vetëm obligim moral, por edhe shtetëror e qytetar, ka qenë për Kurtin, që të realizojë vizitë atje.
‘’Jo që është dashur, Albin Kurti ka obligim qe nga koha kur është bërë kryeministër, presidenti i Kosovës, në atë moment si bëhet, e ka obligim të kujdeset për njerëzit e vet, për njerëzit që kanë lind epokën, se qajo republikë që ai ishte kryeministër, apo ajo presidente, qajo republikë është produkt i këtyre njerëzve që janë në Hagë. Pra e ka obligim edhe moral, edhe qytetar edhe shtetëror, në çdo aspekt e ka pas obligim, por janë, për mbi ma shumë se poshtërsi e tyre që e kanë treguar me këtë rast, nuk di çfarë të ju them’’, ka thënë ai, përcjell Gazeta Express.
