Shefi i Grupit Parlamentar të PDK-së, Arian Tahiri, ka deklaruar se Hashim Thaçi është presidenti që, sipas tij, i duhet Kosovës, duke theksuar se kjo qëndrim tashmë ka marrë edhe mbështetjen politike të ish-kryeministrit Ramush Haradinaj.
Tahiri ka thënë se, menjëherë pas përfundimit të procesit më 16 shtator, Thaçi duhet të rikthehet në Zyrën e Presidentit.
Sipas tij, një rikthim i tillë do të përbënte “një korrigjim të vonuar” të asaj që e cilëson si padrejtësi të zgjatur.
“Kosova po e pret Presidentin Thaçi, Kryetarin Veseli, bacën Jakup, Rexhën dhe bashkëluftëtarët e tyre”, ka shkruar Tahiri.
Deputeti i PDK-së ka përdorur edhe një metaforë për situatën, duke thënë se “numërimi së prapthi” ka filluar, ndërsa pas 16 shtatorit, sipas tij, duhet të nisë “numërimi përpara i Kosovës”.
Tahiri ka përfunduar duke bërë thirrje që pas kësaj date, gjithçka të rikthehet, sipas tij, “në rrugën e mbarë”.
