Dhimbja e familjes së Laurent Krasniqit është bërë edhe më e dukshme pas ceremonisë së varrimit. Motra e influencerit të njohur ka ndarë një fotografi të vëllait të saj në Instagram, duke i kushtuar disa fjalë të rënda pas humbjes së tij tragjike.
“Oj dashnia e motrës që ma thajte shpirtin, s’di qysh kom me vazhdu me jetu pa ty, vllau jem”, ka shkruar ajo në postimin prekës.
Laurenti është përcjellë sot për në banesën e fundit, pasi humbi jetën tragjikisht një ditë më parë në një aksident me motor.
Lajmi për vdekjen e tij të papritur ka prekur familjarët, miqtë dhe ndjekësit e shumtë që e njihnin përmes rrjeteve sociale.
Pas tragjedisë, rrjetet sociale janë mbushur me mesazhe ngushëllimi dhe dedikime për Laurentit, ndërsa familja e tij po përballet me humbjen e rëndë.
Fjalët e motrës së tij, të shkruara pas ceremonisë së varrimit, kanë prekur veçanërisht ndjekësit, duke pasqyruar dhimbjen e madhe që ka lënë pas kjo humbje e papritur./IndeksOnline
