Avokati Ardian Bajraktari ka shprehur optimizëm lidhur me verdiktin final ndaj ish-krerëve të UÇK-së, i cili pritet të shpallet më 16 shtator në Hagë.
“Me aq sa kemi arritur ta përcjellim, në bindjen time nuk kanë arritur të argumentohen tezat e akuzës së prokurorisë. Në këtë drejtim vlerësoj që, në rast se verdikti do të jetë i bazuar ekskluzivisht në ligj, në prova e aq më tepër në prova të besueshme të cilat i kanë ofruar pala mbrojtëse, unë jam optimist dhe i bindur që verdikti do të jetë lirues”, deklaroi Bajraktari.
Ai tha po ashtu se provat e siguruara nga Serbia duhet të trajtohen me kujdes, duke marrë parasysh rolin e regjimit serb në luftën e Kosovës.
“Jam i bindur që së paku trupi gjykues nuk do t’ia falë besimin provave të tilla, sepse vërtet do ta komprometonte jashtëzakonisht shumë këtë proces”, u shpreh Bajraktari.
