Loredana mahnitet nga Barcelona, momenti i ëmbël i Karimit me Hanën merr gjithë vëmendjen
Loredana ka ndarë me ndjekësit e saj në Instagram disa momente nga qëndrimi në Barcelonë, ku po shijon ditët së bashku me partnerin e saj, Karim Adeyemi.
Qëndrimi i tyre në qytetin katalanas lidhet edhe me kapitullin e ri në karrierën e futbollistit, i cili tashmë është pjesë e FC Barcelonës.
Mes fotografive të publikuara, vëmendjen më të madhe e ka marrë një imazh ku Adeyemi shihet duke mbajtur në krahë vajzën e Loredanës, Hanën.
Vogëlushja është e veshur me fanellën e Barcelonës dhe mban në duar maskotën zyrtare të klubit, ndërsa së bashku pozojnë pranë logos së madhe të gjigantit katalanas.
Momenti familjar ka tërhequr reagime të shumta nga ndjekësit e këngëtares në rrjetet sociale.
“Barcelonë, të dua shumë”, ka shkruar Loredana krahas fotografive të publikuara.
Postimi vjen në një periudhë të re për çiftin, ndërsa Adeyemi po nis aventurën e tij me Barcelonën dhe Loredana duket se po e shijon maksimalisht jetën në qytetin spanjoll.
