Qytetarët nga komunat e ndryshme të Kosovës do të kenë transport të organizuar drejt Prishtinës për protestën që do të mbahet më 1 tetor.
Protesta do të zhvillohet në Sheshin “Skënderbeu”, duke nisur nga ora 16:00, ndërsa autobusët do të nisen në orare të ndryshme nga qytete dhe vendbanime të ndryshme të vendit.
Oraret dhe pikat e nisjes janë bërë publike nga platforma qytetare “Liria Ka Emër”, e cila ka njoftuar për organizimin e transportit për qytetarët që synojnë t’i bashkohen protestës në Prishtinë.
Sipas njoftimit, nisje të organizuara do të ketë nga Prizreni, Suhareka, Vitia, Ferizaj, Podujeva, Kamenica, Vushtrria, Malisheva, Gjakova, Istogu, Kaçaniku, Drenasi, Skenderaj, Klina, Rahoveci dhe Lipjani, si dhe nga qytete e fshatra të tjera të Kosovës.
Njoftimi përfshin edhe oraret dhe pikat konkrete të grumbullimit për qytetarët nga komunat përkatëse.
Protesta është planifikuar të mbahet më 1 tetor në qendër të Prishtinës, ndërsa organizatorët kanë bërë publike paraprakisht detajet për transportin nga komunat e tjera.
