Deputetët e Lëvizjes Vetëvendosje, Mefail Bajqinovci dhe Bylbyl Sokoli, janë parë sot para objektit të Kuvendit të Kosovës, por pa hyrë brenda tij.
Prania e tyre vjen në një kohë kur mbetet e paqartë nëse gjatë ditës së sotme do të thirret ose jo ndonjë seanca e jashtëzakonshme e Kuvendit.
Më herët, edhe ministri Glauk Konjufca është parë duke u ngjitur shkallëve të objektit të Kuvendit.
Kuvendi ka mbajtur dje një seancë të jashtëzakonshme, ndërsa në kalendarin zyrtar të Kuvendit nuk figuron aktualisht një seancë e jashtëzakonshme për sot.
