Ministria e Arsimit dhe Shkencës (MASh) ka demantuar lajmin e publikuar sot se në ambientet e Ministrisë janë kryer bastisje.
Përmes një njoftimi, MASh ka bërë të ditur se ka marrë konfirmim zyrtar nga Policia e Kosovës se një informacion i tillë është i pavërtetë dhe se në ambientet e Ministrisë nuk ka pasur bastisje.
“MASh sqaron se ka marrë konfirmim zyrtar nga Policia e Kosovës se ky informacion është i pavërtetë dhe se në ambientet e saj nuk ka pasur bastisje”, thuhet në njoftimin e Ministrisë.
Ministria u ka bërë thirrje mediave që e kanë publikuar ose ripublikuar këtë informacion që ta tërheqin lajmin dhe ta publikojnë demantimin.
“Ministria kërkon nga portalet dhe mediat e tjera që e kanë publikuar apo ripublikuar këtë informacion ta tërheqin lajmin e pavërtetë dhe ta publikojnë këtë demantim me të njëjtën dukshmëri që i është dhënë lajmit fillestar”, thuhet më tej.
Postimi i plotë:
Shënim: Veriu.info sqaron se në versionin e parë të publikuar të këtij artikulli na është përvjedhur një gabim gjatë raportimit. Ministria e Arsimit, Shkencës, Teknologjisë dhe Informacionit e ka demantuar raportimin. Pas verifikimeve shtesë është konfirmuar se nuk ka pasur as bastisje, as aksion policor në MASHTI, andaj artikulli është përditësuar më 8 tetor, në orën 15:55.
