Presidenti i Francës, Emmanuel Macron, ka reaguar ndaj protestave në vend, duke dënuar aktet e dhunës dhe dëmtimin e institucioneve publike e bizneseve.
Përmes një deklarate, Macron ka theksuar se personat që kanë shkaktuar dëme, kanë sulmuar prefekturat dhe bizneset, si dhe kanë plaçkitur ndërtesat komunale, do të ndiqen penalisht dhe do të përballen me ndëshkime.
“Nuk ka vend për dhunë në Republikën tonë”, ka deklaruar Macron.
Ai ka shprehur gjithashtu mbështetjen e tij për forcat e rendit, të cilat, sipas tij, kanë për detyrë të garantojnë të drejtën e qytetarëve për të protestuar.
“Për forcat e rendit, garantues të së drejtës për të demonstruar, unë them mbështetje nga Kombi.
Ne të gjithë do të qëndrojmë të bashkuar kundër mbjellësve të kaosit, të cilët kërkojnë vetëm të rrëzojnë institucionet tona dhe të parandalojnë ata që shprehin paqësisht kërkesat e tyre ta bëjnë këtë”, ka deklaruar Macron.
