Avokati mitrovicas Elvir Imeri ka shënuar një tjetër sukses në mbrojtjen e të drejtave të punëtorëve në Komunën e Mitrovicës Veriore.
Imeri ka theksuar se institucionet publike nuk janë pronë private e zyrtarëve dhe se askush nuk mund të luajë me fatin e punëtorëve përmes vendimeve të kundërligjshme.
Ai ka bërë të ditur se ka fituar dhjetëra beteja juridike kundër këtij institucioni, duke paralajmëruar se do të vazhdojë pa kompromis mbrojtjen e të drejtave të punëtorëve.
“Pushteti nuk është licencë për arbitraritet, ndërsa heshtja përballë padrejtësisë nuk është dhe nuk do të jetë kurrë alternativë”, ka deklaruar Imeri, duke riafirmuar vendosmërinë e tij për të kërkuar drejtësi përmes rrugëve ligjore.
