Kryetari i Forumit Rinor të LDK-së në degën e Mitrovicës, Shpat Neziri, ka kritikuar bashkëpartiakun e vet Gazmend Asllani, i cili mban detyrën e drejtorit të DRKS-së në qeverisjen komunale të Faton Pecit.
Neziri thotë se Gazmend Asllani dhe Gëzim Pllakolli (kryetari i degës) janë problemi pse Kryesia e LDK-së në Mitrovicë nuk ka mbajtur mbledhje me muaj.
Ndryshe, përplasjet mes zyrtarëve të LDK-së ditëve të fundit, kanë plasur pas një postimi të kryetarit të Komunës, Faton Peci, i cili kishte thënë: “Ju LDK-ja jeni një grusht pulash.
Kuptojmë se Gazmend Asllani i LDK-së është emëruar drejtor i Drejtorisë për Kulturë, Rini dhe Sport në qeverisjen e Faton Pecit, pa miratimin e degës së LDK-së në Mitrovicë, duke përfaqësuar kështu më shumë veten se sa partinë e vet.
Postimi i Shpat Neziri:
E lexova postimin e drejtorit qe pretendon se eshte i LDK-se, por qe edhe pas gjithe kesaj gjuhe te Faton Pecit vazhdon te qendroje nen komanden e tij.
I-E para e punes, Faton Peci nuk te ka bere ty drejtor. Krejt Mitrovica e di se kush qendron pas kesaj.
II-Eshte e vertete ajo qe ke thene, se tash e pese muaj nuk ka pasur takim te kryesise. Por problemi i LDK-se jeni pikerisht ju dhe kryetari i deges.
III-Ju te dy keni shkuar te Fatoni dhe i jeni vene pas si qengjat. Dallimi i vetem eshte se ty Fatoni te ka marre me vete, ndersa kryetarin e deges nuk e ka marre.
IV-Prandaj, kur behet fjale per moral, as ti e as kryetari i deges nuk keni te drejte te flisni. Para se t’u kerkoni llogari te tjereve, fillimisht jepni llogari per qendrimet dhe veprimet tuaja.
