Analisti politik Adem Qorolli ka bërë thirrje për pjesëmarrje në protestën e nesërme kundër Albin Kurtit, raporton Gazeta Online Veriu.info.
Ai ka renditur një sërë arsyesh për protestë, në mesin e tyre për zbardhjen e rastit të Astrit Deharit.
Ai ka thënë se Kosova është e qytetarëve e jo pronë e ndokujt.
Postimi i plotë:
PROTESTO NESËR!
Protesto nesër për zbardhjen e rastit Dehari!
Protesto nesër kundër luftës së qeverisë ndaj veteranëve dhe kundër atyre që sakrifikuan gjithçka për lirinë e Kosovës!
Protesto nesër kundër pensionit prej 150 eurosh, pensionit të turpit dhe lëmoshës që po u jepet pensionistëve nga qeveria!
Protesto nesër për djemtë dhe vajzat që po na ikin në gurbet, për mbi 200.000 qytetarë që kanë braktisur vendin dhe për familjet që po ndahen çdo ditë!
Protesto nesër për shkollat pa nxënës dhe çerdhet pa fëmijë!
Protesto nesër për shëndetësinë, ushtrinë dhe policinë, për mungesën e sigurimit shëndetësor, për mungesën e uniformave, për kushtet e rënda të punës dhe pagat e ulëta!
Protesto nesër për punëtorët që humbin jetën në vendin e punës, ndërsa përgjegjësit vazhdojnë të heshtin dhe askush nuk jep llogari!
Protesto nesër për gratë dhe vajzat që po vriten, për dështimin e institucioneve për t’i mbrojtur ato dhe për një shtet që duhet të mbajë përgjegjësi për çdo jetë të humbur!
Protesto nesër kundër korrupsionit dhe keqpërdorimit të parasë publike!
Protesto nesër kundër tarifave të larta të energjisë elektrike, kur e dimë se Kosova fle mbi thëngjill!
Protesto nesër kundër çmimeve të larta dhe kostos së papërballueshme të jetesës!
Protesto nesër për drejtësinë, për gjykata, prokurori dhe polici të pavarura, pa ndërhyrje politike dhe pa ndikimin e pushtetit si ajo e Dejona Mihajloviq
Protesto për dinjitetin, për drejtësinë, për familjen, për punëtorin, për veteranin, për pensionistin dhe për të ardhmen e fëmijëve tanë!
KOSOVA NUK ËSHTË PRONË E ASKUSHIT! KOSOVA ËSHTË E QYTETARËVE TË SAJ!
