Deputetja e AAK-së, Teuta Haxhiu, ka paralajmëruar shtrenjtim të çmimit të energjisë elektrike nga 15 deri në 20%, duke e lidhur këtë me deklaratën e Rizvanollit se na pret dimër i vështirë, raporton Gazeta Online Veriu.info.
“E keni dëgjuar ministren Rizvanolli duke thënë edhe këtu në sallën e Kuvendit, në seancën e kaluar, se do ta kemi një dimër të vështirë. Dimër të vështirë dhe një situatë jo të lehtë, kjo nuk është asgjë tjetër, vetëm një paralajmërim për një rritje, sa unë jam informuar, uroj mos të jetë ashtu, 15 deri në 20 për qind. Pra, rritje në faturat e qytetarëve. Por, mos të harrojmë diçka. Është dimri që po vjen dhe koha kur na vijnë familjarë prej diasporës. Të dashur, njerëzit tanë që jeni kudo në diasporë, përgatituni për faturat, edhe nëse nuk keni rrymë, por faturat t’i keni me rritje. Por mbi të gjitha, klimat e vendosura që ministrja shumë herë ka thënë ‘Blini ato klima’, tash ato normal që nuk ngrohin, për shkak se faturat janë aty”, tha Haxhiu.
