Më 2 mars Skender Bajrami – pronar i Auto Sallon “Alberti” ishte arrestuar në kuadër të aksionit ndaj disa biznesmenëve nën dyshimin për fajde, detyrim e shmangie nga tatimi.
Mirëpo, sot Gjykata Themelore e Ferizajt nuk e ka aprovuar kërkesën e Prokurisë Themelore të Ferizajt për caktimin e masës së paraburgimit ndaj këtij biznesmeni multimilioner, duke e lënë të lirë të njëjtin.
Pra, nga 15 persona të arrestuar për fajde, detyrim e shmangie nga tatimi, 14 të arrestuarve iu është caktuar masa e paraburgimit, përderisa vetëm Skender Bajrami ka arritur të lirohet.
Gazeta online Veriu.info ka arritur të siguroj Aktvendimin e Gjykatës Themelore të Ferizajt të marr sot, ku thuhet se për te pandehurin Skender Bajrami refuzohet kërkesa e Prokurorisë Themelore të Ferizajt.
Mirëpo, Gjykata ka vendosur një masë më të leht ndaj Skender Bajrami, duke i ndaluar për t’iu afruar vendimit apo personit të caktuar në kohëzgjatje prej një muaji, thuhet në aktvendimin e siguruar ekskluzivisht nga Veriu.info.
Në aktvendimin e Gjykatës thuhet se kjo masë ndaj Skender Bajramit është marrë për shkak të dyshimit të bazuar se i njëjti në bashkëkryerje ka kryer tri vepra penale të fajdes dhe veprën penale të shmangies nga tatimi.
Në aktvendimin e siguruar nga Veriu.info, thuhet se Skender Bajrami gjatë kësaj periudhe nuk guxon të i afrohet personave të dëmtuar Xhavit Shala, Samir Bajrami, Salih Sinani, si dhe të bashkëakuzuarve në distancë prej 50 metra.
Ndryshe, Skender Bajrami është aksionar me 10% (17 milionë euro) në Qendrën Tregtare “Prishtina Mall”, e cila pritet të hapet më 09.03.2023.
Më poshtë gjeni artikujt e tjerë për arrestimin e Skender Bajramit:
