Policia e Kosovës muajt e fundit ka marrë disa aksione për arrestimin e disa personave në pjesë të ndryshme të Kosovës nën dyshimin për veprën penale “Fajde” duke shkaktuar dëme milionëshe tek persona të cilë gjendeshin në vështirësi financiare.
Një rast i tillë ka ndodhur para pak ditësh ku u arrestuan 15 persona, ku Veriu.info raportoi eksluzivisht për rastin.
Para disa muajsh ishin arrestuar edhe vëllezërit Salihu, Gëzim e Sinan Salihu, të cilët dyshohen për veprën penale fajde.
Emri i vëllezërve Salihu ndërlidhet me të dyshuarit e para pak ditësh, ku dyshohen për përfitim pasuror për shkak të fajdes ndaj personave që kishin vështirësi financiare.
Dy vëllezërit Salihu të dyshuar për fajde shihen në fotografi me deputetin e LDK-së, Agim Veliu, qê dikur ishte kryetar i komunës së Podujevës.
Sipas kërkesës për caktimin e paraburgimit, ekziston dyshimi i bazuar se në fund të vitit 2021, të pandehurit Shefik Rexhepi, si pronar i ndërmarrjes tregtare “Euro-Ab”, si dhe Bashkim Osmani, si pronar i ndërmarrjes prodhuese “Dona Liberion”, në bashkëkryerje me të pandehurin Gëzim Sinani, kanë kontraktuar shuma jo proporcionale të pasurisë në këmbim të shërbimit për personin tjetër, duke shfrytëzuar gjendjen e vështirë financiare të të dëmtuarit A.H.
Bashkëpunimi i rrjetit të fajdeve ku ishin përfshirë disa persona gjatë vitit 2021 e ku bënin pjesë edhe vëllezërit Sinani, kishte bërë që borxhi i të dëmtuarve të arrinte qindra mijëra euro e shumë herë mbi 1 milion euro.
“Era shtet”! Lirohet Skender Bajrami – pronar i A.S. “Alberti”, i arrestuar për fajde
