Veriu.info sot ka publikuar ekskluzivisht aktvendimin e Gjykatës Themelore në Ferizaj, e cila me aktvendimin e ka liruar pronarin e Auto Sallon “Alberti” – Skender Bajrami, i arrestuar per 3 vepra penale të dhënies së fajdes, përderisa 14 të arrestuarve tjerë iu ka caktuar masa e paraburgimit.
Pas lirimit të Skender Bajramit, ka reaguar rrjeti i OJQ-ve AVONET me seli në Ferizaj, duke konsideruar se po vendoset drejtësi selektive, raporton Veriu.info
Reagimi i AVONET:
AVONET: Gjykatat të mos krijojnë drejtësie selektive!
Ferizaj, 5 mars 2023; AVONET shpreh shqetësimin e saj lidhur me refuzimin e kërkesës së Prokurorisë së Shtetit për paraburgim ndaj të dyshuarit S.B., i cili, sipas Prokurorisë, dyshohet për kryerjen e tre veprave penale që përfshijnë fajdia dhe shmangia nga tatimi.
AVONET vazhdimisht ngrit zërin për transparencë dhe vendime të drejta dhe profesionale të gjykatave, duke kërkuar që të merren vendime profesionale dhe të drejta.
AVONET thekson se është e rëndësishme që drejtësia të bëhet në mënyrë të drejtë dhe të ndershme, pa patur një drejtësi selektive. Mospranimi i një kërkese të tillë mund të nxisë dyshime dhe mosbesim në sistemin e drejtësisë.
AVONET ka drejtuar një kërkesë në gjykatë për të marrë informacione më shumë lidhur me këtë vendim, duke kërkuar që të kuptojnë arsyet e refuzimit të kërkesës së Prokurorisë së Shtetit. Ne besojmë se të gjithë duhet të kenë një trajtim të barabartë para ligjit dhe moszbatimi i ligjit në mënyrë të drejtë mund të dëmtojë integritetin e sistemit të drejtësisë.
AVONET kërkon që gjykatat të zbatojnë ligjin në mënyrë të drejtë dhe të barabartë. Duke u bazuar në misionin tonë për të pasur një shtet ligjor, ne nuk mund të lejojmë një trajtim të ndryshëm për personat e dyshuar, pasi kjo mund të sjellë dëmtime të padëshiruara në drejtësi dhe integritetin e sistemit të drejtësisë.
AVONET do të vazhdojë të hulumtojë dhe monitorojë këtë rast dhe do të jetë e përkushtuar në garantimin e një sistemi të drejtësisë të pavarur, të ndershëm dhe të paanshëm.
Ndryshe, Veriu.info ka publikuar sot aktvendimin e Gjykatës Themelore në Ferizaj për lirimin e Skender Bajramit, ku ndër të tjera thuhej së prokurori Rasim Maloku ishte tërhequr nga pika për rrezikun e ikjes së të pandehurit me rastin e kërkesës për caktimin e masës së paraburgimit, duke i lehtësuar gjyqtarit të procedurës paraprake mundësinë e marrjes së vendimit për lirimin e tij.
Shkrimin e plotë së si ishte mbajtur seanca për Skender Bajramin në QKUK dhe se si ishte tërhequr prokurori nga pika për rrezikun e ikjes së të pandehurit e gjeni më poshtë:
