Pas vdekjes së Fadil Vokrrit në një Kuvend të shpejtë të FFK-së Agim Ademi u zgjedh kryetar pa kundër kandidat më 06.07.2018.
Atëherë mendohej se Agim Ademi ishte zgjedhur për mandatin e mbetur të Fadil Vokrrit, por Agim Ademi e vazhdoi mandatin e tij 4 vite.
Tani kur në Korrik të 2022-së pritet të jetë Kuvendi i ri zgjedhor për kryetar të FFK-së dhe ende pa i shpall zgjedhjet Komiteti Ekzekutiv për kryetar të FFK-së, Agim Ademi tani e disa ditë ka dalë në terren për të mbledhur nenshkrimet per kandidim.
Bazuar ne Statutin e FFK-së, neni 39 Kushtet për zgjedhjen e Kryetarit thotë se “ Vetëm anëtarët e FFK-së mund të propozojnë kandidatin për Kryetar të FFK-së. Propozuesi duhet të protokolojë propozimin në Sekretariatin Gjeneral të FFK-së, në formë të shkruar dhe duke i deponuar së paku 15, nënshkrime të delegatëve legjitim të Kuvendit të FFK-së, me të dhënat e nevojshme, së paku dy muaj para datës së mbajtjes së Kuvendit të rregullt zgjedhor. Poashtu duhet të parashtrohet programi i punës. Sekretariati i përgjithshëm duhet që t’i notifikojë kandidatët për kryetar të FFK-së, së paku një muaj para mbajtjes së Kuvendit”.
Agim Ademi po përpiqet të mos lejoj kundër kandidat duke bllokuar nënshkrimet e delegatëve duke u mohuar të drejtën e kandidimit të tjerëve që kanë pretendime për kreun e FFK-së.
Sipas opinionit të futbollit deri tani poziten e kryetarit e synojnë Arianit Ahmeti, Gramoz Vokrri, Aferdita Fazliu, Eroll Salihu, Bekim Shotani e Nexhat Dumbica.
Por për të pamundesuar kandidimin e të tjerëve, javën e kaluar Agim Ademi kishte ftuar në FFK klubet e Llapit, Feronikelit, Ulpianës dhe 2 Korrikut dhe ua kishte ofruar fletën për nënshkrim të kandidimit, vetëm dy nga pjesëmarrësit në takim kishin nënshkruar.
Agim Ademi i përballur me procese gjyqësore, konflikte të njepasnjëshme, rrahje fizike në FFK nën udhëheqjen e tij humbi shkëlqimin që kishte në kohën e Fadil Vokrrit.
Një vit pas vdekjes së Fadili Vokrrit, Agim Ademi e largoi nga FFK Gramoz Vokrrin djalin e Fadil Vokrrit.
Më pas largoi disa nga doktorrët e kombëtares së Kosovës, Milazim Gjocin, Eqrem Gara e Mehmet Maxhuni me këtë të fundit pati dy përleshje fizike.
Largimit të Agim Ademit nuk i shpëtuan as Diturie Hoxha, Ejup Osmani e Arianit Ahmeti zv sekretar i FFK-së delegati i vetëm i në UEFA.
Më pas pasojnë konfliktet e Agim Ademit me Eroll Salihun i cili largohet nga pozita e sekretarit.
Tani se fundit ka larguar edhe stafet e përfaqësuesve të Kosovës përfshirë edhe selektoren Afërdita Fazliu e cika ka hedhur akuza të rënda ndaj Agim Ademi duke quajtur gënjeshtëar që e ka nofken “1 Prill”.
