Operacioni policor kundër fajdes i zhvilluar më 2 mars në disa qytete të vendit, nga Prokuroria Themelore në Ferizaj, në koordinim me Drejtorinë për Hetimin e Krimeve të Rënda rezultoi me arrestimin e 15 personave të dyshuar për përfshirje në veprimtari kriminale. Pronarët e auto salloneve e kompanive të tjera, që u arrestuan po dyshohen për fajde, detyrim e shmangie nga tatimi. Gjatë këtij aksioni, u konfiskuan disa vetura, 83 955 euro, armë e prova të tjera.
Prokurori i Prokurorisë Themelore të Ferizaj, Rasim Maloku, më 8 mars 2023 ka bërë kërkesë për ‘urdhër ndalues përfundimtar për sekuestrimin e provave, pasurisë së specializuar në urdhërin e Gjykatës’.
Veriu.info ka siguruar kërkesën e prokurorit Rasim Maloku të bërë Gjykatës Themelore në Ferizaj, në çështjen penale ndaj të pandehurve: Kadri Gërbeshi, Egzon Salihu, Besnik Salihu, Skender Bajrami, Ibrahim Gërbeshi, Fatmir Gërbeshi, Fitim Vershevci, Nexhmi Abazi, Ilir Vershevci, Ajvaz Muzaqi, Bahri Abazi, Lindrit Haradinaj, Shukri Haxhiu, Shefik Rexhepi, Fadil Salihu, Arsi Saraqi, Bashkim Osmani, Mujë Ademi dhe Ramiz Ademi.
Në kërkesën e siguruar nga Veriu.info në mesin e provave tjera shihet se prokurori Rasim Maloku i ka propozuar gjykatës të urdhëroj masë të përkohëshme për sigurimin e pasurisë së specifikuar.
Siç shihet në dokumentin e siguruar nga Veriu.info, gjatë aksionit kundër fajdes, detyrimit e shmangies nga tatimi, të pendehurve iu kanë sekuestruar automjete, mjete elektronike, armë e para.
Veriu.info mëson se mesin e gjërave të sekuestruara ka telefonë, automjete, para, revole, por edhe një librezë e organizatës AKSh, e cila ishte shpallur terroiste nga UNMIK para rreth dy dekadash. Libreza e AKSh-së (Armata Kombëtare Shqiptare) iu ka sekuestruar të pandehurit Ramiz Ademi.
Përderisa të arrestuarit Bashkim Osmani – pronar i firmës “Laberion” iu kanë sekuestruar 70525 euro dhe një veturë Mercedes S-Class.
Në kërkesën e prokurorit bëhet e ditur se të pandehurve: Fitim Vershevci, Nexhmi Abazi, Ilir Vershevci, Ajvaz Muzaqi, Bahri Abazi, Lindrit Haradinaj, Shukri Haxhiu, Bashkim Osmani, Mujë Ademi, Remzi Ademi iu janë sekuestruar:
Fitim Vershevci:
a) Një DWR
b) 16 USB
c) Një shufër metalike
Foto: Fitim Vershevci
Nexhmi Abazi:
a) Një telefon IPHONE 7
b) 34 fishekë
Ilir Vershevci:
a) Pasaporta personale
Foto: Ilir Vershevci
Ajvaz Muzaqi:
a) Revole Sig Sauer dhe dy karikator me 15 fishek me 15 fishekë
b) Llaptop MacBook
c) Dy telefonë
d) 14 dokumente të ndryshme
e) Veturë AUDI Q5
Foto: Ajvaz Muzaqi
Bahri Abazi:
a) Telefon IPHONE 7
b) Një revole Beretë me karikator
Lindrit Haradinaj:
a) 9450 euro
b) Dokumente dhe letra të ndryshme
c) Tri fletore me shënime
Shukri Haxhiu:
a) Telefon Iphone 13
b) 29 fishekë
Bashkim Osmani:
a) 70525 euro
b) Veturë Mercedes S-Class
Foto: Bashkim Osmani
Mujë Ademi:
a) Dy telefonë
Ramiz Ademi:
a) Një telefon
b) Një fletore me shënime
c) 8 fletë deponime të bankës
d) Një faturë
e) Një fletë plani i amortizimit
f) 1300 euro
g) Një SD Kartelë
h) Një SIM Kartelë
i) Një thikë
j) Një librezë FBKSH – AKSh Kaqanolli.
——————————————
Lexoni edhe:
