Kuvendi i Kosovës ka publikuar raportet për shpenzimet e udhëtimit të deputetëve përgjatë viteve.
Aty figuron edhe emri i Vjosa Osmanit, presidentes së Kosovës.
Ajo si deputete në vitet 2011-2014 është kompensuar për rrugëtimin e saj me diku 4 mijë euro, ani pse nuk ka jetuar në Mitrovicë – por në Prishtinë.
Ndaj këtyre publikimeve ka reaguar këshilltari i saj për medie, Bekim Kupina.
Ai i ka quajtur qepues gazetarët, teksa ka thënë se Osmani atëherë, por edhe tash më shumë rrinë në Gjilan sesa në Prishtinë.
“Znj. Osmani edhe sot e kësaj dite vazhdon që pjesën më të madhe të vitit të udhëtojë nga Gjilani. Përgjatë viteve 2011-2014 që ajo qenka kompensuar me rreth 80 euro në muaj për udhëtimet e mandatit të parë, ajo asnjëherë nuk është informuar rreth kompensimit për udhëtim”, theksoi ai.
Publikimi i këtyre raporteve vjen pas reagimeve të shumta për listën me shumat me të cilat janë kompensuar deputetët për udhëtime për pjesëmarrje në seanca apo komisione parlamentare.
Reagim i plotë i tij
