Gazetari, Milaim Zeka, në një intervistë dhënë për “Gazeta Blic” ka paralajmëruar dorëheqjen e kryeminsitrit Kurti nga pozita për shkak se i njëjti ka presion ndërkombëtar për formimin e Asociacionit.
Ndaj kësaj deklarate të Zekës ka reaguar deputeti i LVV-së, Halil Thaçi.
Thaçi tha se duke e njohur Albin Kurtin i njëjti nuk e njeh çfarë është presioni.
Tutje Thaçi ka shtuar se modeli i Asociacionit kroat është më i përshtatshmi për Kosovën dhe se çdo opsion tjetër është në kundërshtim em Kushtetutën.
“Kryeministri bashkë me ekipën negociatore ka dhënë opsionin për formimin e Asociacionit. Modeli i ‘Asociacionit kroat’ është më i përshtatshmi për Republiken e Kosovës, çdo opsion tjetër që është në kundërshtim me kushtetutën është i pa pranueshëm. E sa i përket presionit , duke e njohur nga afer Albinin ai nuk e njeh çfarë është presioni” tha Thaçi në një prononcim dhënë për “Gazeta Blic”
Halil Thaçi, Deputet i LVV-së
“Ju e dini qëndrimin e Qeverisë se nuk do të ketë në asnjë variant asociacion që vjen në kundërshtim me rendin tonë kushtetues. E rendi ynë kushtetues nuk njeh nivel të tretë të pushtetit. Kryeministri Kurti dhe Republika e Kosovës kanë Kushtetutën dhe normat kushtetuese si udhërrëfyes të procesit në dialog” tha Bajqinovci për “Gazeta Blic”
Ai tutje u shpreh me bindje se kryeministi Kurti nuk do të japë dorëheqjen.
Deputeti Bajqinovci tha se Qeveria nuk e shkel Kushtetutën si çmim i kompromiseve ndaj Serbisë.
“Prandaj, as nuk do të jap dorëheqje Kryeministri e as aleatët tanë nuk i kanë kërkuar dhe as nuk do t’i kërkojnë z. Kurti asnjë reflektim mbi rendin tonë kushtetues. Raportimet siç i prezantuat ju, janë spekulime. Ne nuk e shkelim Kushtetutën e vendit si çmim i kompromiseve ndaj Serbisë, siç bënin të tjerët më herët. Madje edhe per aq sa kanë lëvizur e kanë dëmtuar vendin” tha Bajqinovci për “Gazeta Blic”
Mefail Bajqinovci, Deputet LVV
I dërguari i posaçëm i BE-së për dialogun ndërmjet Kosovë-Serbi, Miroslav Lajçak, deklaroi se draft-statuti i Asociacionit, i cili u prezantua nga ekipi menaxhues në takimin e Brukselit më 2 maj, nuk ishte përfundimtar, por një pikënisje e rëndësishme për bisedimet e ardhshme në nivelin e kryenegociatorëve.
“Ngjarja më e madhe e javës ishte padyshim takimi i Dialogut të Nivelit të Lartë i organizuar nga Bashkimi Evropian dhe i asistuar nga unë, i cili u zhvillua të martën e kaluar. Presidenti Vuçiç dhe kryeministri Kurti u takuan në Bruksel për të diskutuar një çështje vendimtare të personave të zhdukur. Jam i kënaqur që të dy udhëheqësit ranë dakord të punojnë së bashku për të sqaruar vendndodhjen e njerëzve që u zhdukën gjatë luftës.
“Ne mirëpresim miratimin e palëve të deklaratës për personat e zhdukur dhe presim që ato të bëjnë përparim në mbylljen e rasteve të pazgjidhura të personave të zhdukur. Kjo jo vetëm që do t’i ndihmojë familjet e tyre të gjejnë paqe, por edhe do të avancojë normalizimin ndërmjet Kosovës dhe Serbisë. Palët gjithashtu bënë një hap të rëndësishëm dhe simbolik drejt themelimit të Asociacionit/Bashkësisë së komunave me shumicë serbe. Megjithëse drafti i parë i paraqitur nga ekipi drejtues nuk është përfundimtar, ai është një pikënisje e rëndësishme për diskutimet e ardhshme në nivelin e Kryenegociatorëve”, shkroi Lajçak ndër të tjera në Facebook.
JU REKOMANDOJMË
Veprimtarët shqiptarë të Amerikës rreshtohen pas Sejdiut, afër 30 emra mbështesin zgjedhjen e tij President
Një grup veprimtarësh dhe përfaqësuesish të komunitetit shqiptaro-amerikan kanë dalë publikisht në mbështetje të kandidaturës së Bekim Sejdiut për President të Republikës së Kosovës, duke u bërë thirrje...
Më shumëDetailsPeci për protestën e komunave: Nuk e kanë hallin e qytetarit, por pazaret politike
Komunat e Kosovës sot do të protestojnë në Prishtinë, kundër asaj që e konsiderojnë cenim të kompetencave dhe të drejtave të tyre ligjore nga niveli qendror. Protesta është...
Më shumëDetailsKy është çmimi i naftës e benzinës sot në Kosovë
Ministria e Industrisë, Ndërmarrësisë, Tregtisë dhe Inovacionit ka përcaktuar çmimet maksimale të lejuara për shitjen e derivateve të naftës për sot. Sipas vendimit të MINT-it, çmimi maksimal për...
Më shumëDetailsPDK e AAK i bëjnë thirrje partisë fituese: Kthehuni në Kuvend, ndaleni bllokadën institucionale
Deputetët e Partisë Demokratike të Kosovës (PDK) dhe Aleancës kanë mbajtur sërish aksion para objektit të Qeverisë së Kosovës, duke kërkuar konstituimin e Kuvendit dhe funksionalizimin e institucioneve...
Më shumëDetailsKadrijaj flet për marrëveshjen VV-LDK: S’ka transparencë, Kurti të kthehet në Kuvend
Deputetja e Aleancës, Time Kadrijaj, gjatë aksionit të sotëm para Qeverisë së Kosovës, ka folur rreth marrëveshjes së arritur mes VV-së dhe LDK-së për presidentin. Ajo tha se...
Më shumëDetailsPlani i Trumpit zemëron Evropën: Uashingtoni u dërgon miliona dollarë mediave të krahut të djathtë
Administrata e Presidentit të SHBA-së, Donald Trump, planifikon të ndajë 4 milionë dollarë për të forcuar mediat e krahut të djathtë në Evropë, pjesë e një pakete më...
Më shumëDetailsMë të lexuarat në 24 orët e fundit
-
Ekskluzive: Arrestohet 4 persona në Mitrovicë nën dyshimin për dallavere me testin e patent shoferëve
-
Hoti del me sqarim, tregon pse nuk e voton Bekim Sejdiun për president
-
Policia konfirmon raportimin e Veriu.info: Janë arrestuar 4 persona në Mitrovicë për dallavere me testin për patentë shofer
-
Bekë Berisha për kandidatin për President: Duhet me qenë shumë i poshtër meqë janë pajtuar për të
-
“Kjo është…”, momenti kur Mihrija kupton se do të bëhet gjyshe (video)
