Një rast i çuditshëm ka ndodhur sot në gjimnazin “Frang Bardhi” në Mitrovicë, ku nxënësit janë detyruar të pastrojnë ambientet e shkollës, shkruan Gazeta Online Veriu.info.
Shkolla paguan punonjës të cilët marrin paga për t’u kujdesur për pastërtinë e shkollës, por sërish menaxhmenti i kësaj shkolle përmes një vendimi ka detyruar nxënësit që të pastrojnë.
Nga orët mësimore nxënësit kanë mbajtur vetëm 4 nga to, kurse dy të tjera kanë pastruar nën mbikëqyrjen e pak mësimdhënësve pasi shumica nga mësimdhënësit kanë lënë shkollën dhe kanë vazhduar përditëshmërinë e tyre.
Mitropo raportoi se ka kontaktuar drejtorin e kësaj shkolle, Vesel Sahitin, por i njëjti nuk ka dashur të flas duke thënë se nuk është në disponim të flasë.
