Vëllai i kryetarit Ramiz Lladrovci, Emri Lladrovci, ka dhënë dorëheqje nga Partia Demokratike e Kosovës, raporton Gazeta Online Veriu.info.
Emri Lladrovci ka potencuar se nuk do të jetë as pjesë e PDK-së e as votues i kësaj partie.
Por a ka lidhje dorëheqja e Lladrovcit me vizitën e vëllait të tij, Ramiz Lladrovci, sot në Skenderaj ku takoi Sami Lushtakun dhe Fadil Nurën, pas përplasjeve të shumta që kishte pasur me Lushtakun gjatë fushatës?
Kujtojmë që Lladrovci dhe Lushtaku kishin pasur përplasje gjatë fushatës së fundit.
Lladrovci kishte thënë gjatë fushatës se Lushtaku do të tërhiqet nga gara për kryetar të Skenderajt por një gjë e tillë ishte mohuar nga Lushtaku.
“Sot për sot nuk i kam raportet e mira. I kam pasë të mira, i kam prish, i kam ndreq, i kam prish, i kam ndreq. S’kam armiqësi me Sami Lushtakun. Nëse nuk e kam lënë me investu në Drenas pa i ndjek procedurat, nuk do të thotë që kemi armiqësi. 100 Sami Lushtaka i jepi për Bekim Jasharin. Por nuk përzihem në problemet mes tyre, se ata nesër bëhen mirë mes vete, një herë e kam hangër në jetën time, nuk e e ha më”, kishte thënë Lladrovci
Krejt në fund Lushtaku nuk ishte certifikuar nga KQZ dhe në garë për kryetar të Skenderajt hyri Fadil Nura.
