Kryetari i LDK-së, Lumir Abdixhiku, ka reaguar pasi Bashkimi Evropian ka njoftuar se kanë hyrë në fuqi masat ndaj Kosovës, raporton Gazeta Blic.
Abdixhiku në reagimin e tij ka thënë se Kosova nuk ka qenë kurrë më keq se tani ndërkombëtarisht ndërsa Serbia nuk ka pasur kurrë më shumë përkrahje se tani.
“Albin Kurti dhe politika e tij nuk e bën dot Kosovën shtet evropian” shkruan Abdixhiku raporton Gazeta Blic.
Reagimi i plotë:
Pezullim i fondeve të BE-së;
Pezullim i MSA-së,
Pezullim i takimeve të nivelit të lartë,
Pezullim i vizitave bilaterale.
Sanksione Kosovës, avancim për Serbinë. Si qenka kjo fitore për ne? Teksa ne përjashtohemi nga programet ushtarake me NATO-n; Serbia vazhdon misionet paqeruajtëse me ta.
Teksa ne humbasim nga programi 7.5 miliardësh për zhvillim dixhital, shtetet e rajonit ecin me hapa të mëdhenj. Kam takuar në vazhdimësi biznese nga komuniteti i IT-së, punëdhënës të jashtëzakonshëm, me potencial dhe më të madh. Sot, humbasin ata dhe të rinjtë që do të punësonin në vazhdimësi
Albin Kurti dhe politika e tij nuk e bën dot Kosovën shtet evropian. Kosova nuk ka qenë kurrë më keq ndërkombëtarisht se sa sot. Serbia nuk ka pasur
kurrë më shumë përkrahje se sa tani.
Koha e fundit për një rrugë të re pa Kurtin dhe politikën e tij të izolimit.
