(I përditësuar më 31 mars në 09:40)
18-vjeçari i cili vdiq tragjikisht pas një aksidenti në Zwettl an der Rodl, në rajonin Urfahr-Umgebung, është shtetas austriak.
Kështu ka konfirmuar për Klankosova policia austriake, e cila shtoi se viktima kishte lindur në Linz, dhe i njëjti jetonte aty.
________
Një aksident tragjik ka ndodhur sot në Austri, ku një 18-vjeçar ka humbur jetën si pasojë e përplasjes mes një kamioni dhe një veture.
IndeksOnline mëson se viktima është nga Kosova.
Ngjarja ka ndodhur në Zëettl an der Rodl, në rajonin Urfahr-Umgebung.
Medait austriake duke cituar policinë lokale, raportojnë se aksidenti ka ndodhur rreth mesditës në rrugën B126, kur dy automjetet janë përplasur në një kthesë të djathtë.
Si pasojë e përplasjes, drejtuesi 18-vjeçar i veturës ka mbetur i vdekur në vend, pavarësisht përpjekjeve të ekipit mjekësor për ta rikthyer në jetë.
Ndërkohë, pasagjeri i tij ka pësuar lëndime të rënda.
Sipas mediave austriake, të dy të rinjtë nga Linz, mbetën të bllokuar në veturë dhe u desh ndërhyrja e zjarrfikësve për t’i nxjerrë nga automjeti.
Autoritetet austriake po vazhdojnë hetimet për zbardhjen e plotë të rrethanave të aksidentit. /IndeksOnline/
