Kryetari i Sindikatës së Sektorit Privat, Jusuf Azemi, në një prononcim për FrontOnline ngriti shqetësim për sigurinë në punë, duke thënë se situata nuk ka qenë asnjëherë më keq ku 32 persona kanë humbur jetën në vendin e punës gjatë këtij viti.
“Siguria dhe shëndeti në punë nuk kanë qenë asnjëherë më keq,” tha Azemi, duke theksuar numrin e rasteve tragjike të raportuara këtë vit në vendin e punës.
Ndryshe nga të dhënat e kreut të sektorit privat, Jusuf Azemi janë ato të Inspektoratit të Punës.
Inspektorati konfirmoi për Front Online se gjatë periudhës janar–tetor 2025 janë evidentuar 17 raste të humbjes së jetës në vendin e punës, të shkaktuara nga aksidente në punë.
Inspektorati shton se sektori më i rrezikuar mbetet ndërtimtaria, ku është regjistruar numri më i madh i rasteve fatale.
