“Në vendet tjera s’i shohin as në ëndërr rezultatet e mia”.
Kështu deklaroi kryeministri Kurti në mbledhjen e Këshillit të Përgjithshëm të Lëvizjes Vetëvendosje.
Por kjo deklaratë e Kurti po shihet me skepticizëm nga njohësit e çështjeve politike në vend.
Analisti, Blerim Burjani, tha për “Gazeta Blic” se kjo deklaratë nuk mund të jetë as “fantastike-shekncore” pasi i njëjti ka një regres të madh në politik-bërje.
Ai rëndit disa nga dështimet e Qeverisë Kurti.
“As fantastikë- shkencore nuk mund të jetë, larg shumë, regrese i madh në politik-berje.Nuk arrriti së paku të rregulloj çështjen e sigurimeve shëndetesore dhe as që të filloj të merret me Tustin Pensional apo edhe nuk arriti as te mendoj per reduktimin e universiteteve të shumta.Fatkeqësisht asnjë fjalë pozitive nuk mund të thuhet” tha Burjani për “Gazeta Blic”.
Burjani me ironi thekson se ndoshta sukses mund të quhet vetëm ndarja e ‘lëmoshës’ për kategori të caktuara.
“Ndoshta sukses mund të thuhet ndarja e lemoshës për kategoritë e caktuara” thekson ai.
“Zgjedhjet e jashtëzakonshme janë të domosdoshme për të bërë një qeveri me profesionale, kjo ka paraqit vetëm dështim” deklaroi analisti Burjani në një prononcim dhënë për “Gazeta Blic”.
Edhe njohësi i çështjeve politike, Arbnor Sadiku, ndan të njëjtin mendim.
Sadiku rendit disa nga dështimet e Qeverisë duke filluar nga arsimi, projektet infrastrukturore, zhvillimi ekonomik, politika e jashtme dhe dialogu.
“Rezultatet e dështimit në, arsim, projekte infrastrukturore, zhvillim ekonomik, poltikë jashtme (mos anëtarsim në ndonjë organizatë ndërkombëtare, apo marrjen e ndonjë njohje te re për Kosovën nga shtetet mos njohse), dhe për më keq në dialog me Serbinë” tha Sadiku.
Kryeministri Kurti deklaroi gjatë adresimit se rezultatet e tilla të Qeverisë, janë të pakrahasueshëm me të tjerët.
“Në fund të këtij viti sukseset e Qeverisë janë të dukshme. Ne krahasohemi me veten, ndërsa jemi të pakrahasueshëm me të tjerët. Progresi në drejtësi është konfirmuar nga ndërkombëtarët. Lufta kundër korrupsionit mbetet prioritet. Ekonomia është ma e fortë se kurrë pavarësisht krizave”
“Qarkullimi i bizneseve ka arritur në 15.33 miliardë euro, eksporti 756.9 milionë euro. Është dyfishuar edhe numri i të rinjve të punësuar. Ekonomia e Kosovës për dy dekada është shndërruar për plaç për zhvatje. Të hyrat buxhetore 2.6 milionë euro. Ne po e tejkalojmë vetën. Në vendet e tjera as në ëndërr si shohin këto rezultate, këtë vit 15% më shumë të hyra se në vitin e kaluar. Buxhetin e kemi rritur për 35% më shumë”
“Ata para neve pasuroheshin individët, tash i ka kapur sikleti që po pasurohet shteti. Me këto të arritura duhet të jemi krenar dhe t’i afirmojmë ato. Ata që i denigrojnë këto mjete nuk i kuptojnë hallet e të gjithëve. Ata që i quajnë këto mjete lëmoshë, nuk e di se çka i mundon familjet”, ka theksuar Kurti
