Paneli i Gjykatës së Apelit sot ka bërë shpalljen e aktgjykimit në çështjen Hysni Gucati dhe Nasim Haradinaj, duke ua ulur dënimin vetëm për tre muaj.
Ata ishin dënuar më 18 maj 2022, nga Dhomat e Specializuara të Kosovës në Hagë, me katër vjet e gjashtë muaj burgim, ku do të llogaritet koha e kaluar në paraburgim dhe me gjobë prej 100 eurosh për secilin. Tash ata do të mbajnë 4 vjet e tre muaj burgim.
Trupi gjykues i shpalli fajtorë për pengim të personave zyrtarë në kryerjen e detyrave zyrtare, frikësim gjatë procedurës penale dhe shkelje të fshehtësisë së procedurës.
Ndërkaq, u liruan nga përgjegjësia penale për hakmarrje.
Hysni Gucati së bashku me Nasim Haradinaj, akuzoheshin për vepra penale kundër administrimit të drejtësisë, konkretisht për pengim të personave zyrtarë në kryerjen e detyrave zyrtare, për frikësim të dëshmitarëve, për hakmarrje dhe për shkelje të fshehtësisë së procedurës.
