Në Kosovë kohëve të fundit po vijnë vetura nga shteti i Koresë së jugut.
Këto vetura po dalin me çmim dukshëm më të lirë në treg, për çka edhe po iu shkakton telashe në shitje autosalloneve që sjellin vetura nga vendet e BE-së, raporton Veriu.info.
Paniku i shkaktuar nga konkurrenca e re, ka bërë që të filloj një ‘fushatë’ destruktive ndaj importuesve të veturave prej Koresë jugore.
Këtij karvani të fushës kundër importuesve të veturave nga Korea jugore iu ka bashkëngjitur tash edhe Autosallon “Alberti” me pronar Skender Bajramit, me pretendimin se po kujdeset për interesin e qytetarëve, respektivisht blerësve të veturave.
Por si për ironi “kujdesi” ndaj qytetarëve për sigurinë dhe cilësinë e veturave vjen pikërisht nga autosalloni me pronar personin e arrestuar për fajde vitin e kaluar, Skender Bajramin, raporton Veriu.info.
Ndryshe, sipas Autosallon ‘’Alberti’’ veturat e importuara nga Korea jugore nuk duhet të blihen sepse, siç pretendojnë ata, nuk kanë garancion.
‘’Ne si Autosallon ju informojmë se nuk pranojmë vetura të importuara nga Korea as për blerje as për ndërrim. Këto automjete nuk i përmbushin standartet e sigurisë dhe cilësisë të kërkuara nga Bashkimi Evropian dhe si rezultan nuk lejohen në shumicën e vendeve të BE-së’’, thuhet në njoftimin e këtij autosalloni.
