Deputetja nga radhët e Lidhjes Demokratike të Kosovës, Hykmete Bajrami ka akuzuar qeverinë në pushtet pasi Grupi Parlamentar i Lëvizjes Vetëvendosje me 40 nënshkrime ka thirrur sot seancë të jashtëzakonshme në ora 14:00.
Përmes një shkrimi në Facebook, Bajrami thotë se në njërën nga dy pikat që do të diskutohen në seancën e jashtëzakonshme, bëhet fjalë për ndryshimin e Ligjit për Zyrtarët Publikë, ligj i cili në dhjetor të vitit të kaluar ishte kaluar nga po kjo shumicë dhe të cilën LDK-ja e kishte dërguar në Gjykatën Kushtetuese, ku ishte shpallur antikushtetues.
Sipas saj, ky ligj është antikushtetues dhe VV janë të vetdijshëm për këtë gjë dhe po tentojnë me çdo kusht t’i kapin institucionet e vendit.
Ndër të tjerash, deputetja Bajrami ka pyetur se çka do të ndodhë nëse Gjykata Kushtetuese e shpallë si kushtetues këtë ligj, dhe se me cilin ligj Qeveria do të punojë më pas.
Postimi i plotë:
Nuk dinë apo dëshirojnë t’i kapin institucionet me çdo kusht
Grupi Parlamentar i Lëvizjes Vetvendosje me 40 nënshkrime ka thirrur sot seancë të jashtëzakonshme në ora 14:00, me dy pika, njëra prej të cilave është shqyrtimi i parë i Ligjit nr. 08/L-239 për plotësimin dhe ndryshimin e Ligjit nr.06/L114 për zyrtarë publikë, i ndryshuar dhe i plotësuar me Ligjin nr. 08/L-128.
Kjo shumicë me 22 dhjetor të vitit 2022 e kaluar në Kuvend Ligjin e Ri për Zyrtarë Publikë Ligji nr.08/L-197, të cilin LDK e ka dërgu në Gjykatë Kushtetuese.
Tani LVV/Qeveria duke qënë të vetëdijshëm që ai Ligj është antikushtetues dhe duke tentu që me çdo kusht t’i kapin institucionet kanë sjellë Ligj për plotësim ndryshim të Ligjit të vjetër që është në fuqi.
Për të gjithë praktikantët që janë përfshirë në procesin e hartimit të këtij Ligji, a mund të përgjigjeni në dy pyetje:
Çka ndodhë nëse Gjykata Kushtetetuese e shpallë kushtetues Ligjin për Zyrtar Publikë?
Me cilin Ligj do të punoni pastaj?
